Gèsedala ni gèse

Nsàna

Gèsedala, n’à ka fàle ̀ dun, à bɛ dɔra gale da.

KÀLAN 15 - NÌN KÀLAN ÌN KƆNƆ

I bɛ t’à sɔ̀rɔ
Min X, ni Y
X V-tɔ, Y
Sàma :
- X sàma Y la.
- Y sàma X mà.
Waajibiya :
- X waajibiyalen dòn Y kàn.
Ka X kɛ Y ye (le sens "bénéfactif" de la postposition ye)

Source : Intermediate Bambara – pp. 191-203
Audio web (Anglais, Bambara) : 15a, 15b, 15c, 15d
index audio : www.iu.edu

Texte – 1.i bɛ t’à sɔ̀rɔ – 2.min X ni Y – 3.sàma X la – 4.X v-tɔ Y – 5.waajibiya – 6.X kɛ Y ye – bàro - Notes – Vocabulaire

Gèsedala ni gèse

Dùgu caman na, i bɛ t’à sɔ̀rɔ dùgu gèsedala ye maabɔ dè ye. Maabɔ ye fìla dè ye. Maabɔw ye mɔ̀gɔ sugu fìla ye : minw bɛ kàsaw da, n’òlu bɛ sɔ̀rɔ Masina kɔnɔ, àni minw bɛ fìni cɛɲiw da, n’òlu bɛ bɔ Sɛ̀nɛgali Futa. Maabɔ bɛ gèse da mùsow ye. Ù b’à sàra. Fɔlɔ, ni mùso tùn b’à fɛ̀ kà fìniw da k’ù fèere, à tùn bɛ kɔɔriforonin bɔ. Kɔɔri ̀ tùn mana mɔ̀, à tùn b’à wùlusi k’à parata kà fàle bɔ à la. À tùn bɛ t’ò fàle di gèsedala mà don ô don dɔlɛ la. Don ô don à tùn ka kan kà taa dɔlɛw mìnɛ k’ù lafa. À tùn taatɔ dɔlɛ mìnɛ, à tùn bɛ taa gèsedala ̀ sàma wòro ni sùman na. Sisan, mùso caman bɛ gaari sàn dè ka t’à di gèsedala ̀ mà. Ù yɛ̀rɛ̂ tɛ gaari ̀ dila tugun. Nka hali bì gèsedala ̀ ka woro ̀ n’à ka sùman ̀ waajibiyalen dòn ù mà.

Nsàna : Fàle ni gèse bɛ da, ù bɛ bɛ̀n kà kɛ fìninmugu ye.
On tisse le fil de trame avec le fil de chaîne, c’est ensemble qu’ils forment l’étoffe.

Ɲìninkali

1. Gèsedala ̀ bɛ sɔ̀rɔ dùgu bɛɛ la wà ?
2. Jɔ̂n ye gèsedala ̀ ye ?
3. Maabɔ ̀ ye bamànan ye wà ?
4. Maabɔ ̀ ye siya jùmɛn ye ?
5. Maabɔw ye mɔ̀gɔ sugu jòli ye ?
6. Minw bɛ kàsa da, òlu bɛ bɔ min ?
7. Minw bɛ bɔ Masina, òlu bɛ mùn da ?
8. Minw bɛ fìni ɲùmanw da, òlu bɛ bɔ min ?
9. Minw bɛ bɔ Sɛ̀nɛgali Futa, òlu bɛ mùn da ?
10. Maabɔ ̀ bɛ mùn kɛ ?
11. À bɛ gèse da fu wà ?
12. À bɛ gèse da jɔ̂nw ye ?
13. Fɔlɔ, ni mùso tùn b’à fɛ̀ kà fìni da, à tùn bɛ mùn kɛ ?
14. À tùn b’ò kɔɔri kɛ mùn ye ?
15. À tùn bɛ gaari sɔ̀rɔ kɔɔri la cogo dì ?
16. À tùn bɛ mùn kɛ ni gaari ye sani à ka taa à di gèsedala ̀ mà ?
17. À tùn ka kan kà mùn kɛ don ô don.
18. À tùn bɛ taa ni mùn ye don ô don ?
19. À tùn bɛ taa ni mùn ye à bolo ?
20. Mùsow bɛ gaari bɔ sisan wà ?
21. Ù bɛ mùn kɛ ?
22. Mùn waajibiyalen bɛ hali bì ?

I bɛ taa à sɔ̀rɔ

[ → notes ]

Sègin n kàn : i bɛ t’à sɔ̀rɔ

I bɛ t’à sɔ̀rɔ gèsedala ye maabɔ dè ye.

I bɛ t’à sɔ̀rɔ dùgu bɛɛ bɛ sɛ̀nɛ ̀ kɛ.

I bɛ t’à sɔ̀rɔ nùmu dè ye bolokoli ̀ kɛ.

I bɛ t’à sɔ̀rɔ cɛ̀w tɛ tobili ̀ kɛ.

Bàro misɛn


A. I bɛ t’à sɔ̀rɔ gèsedala ye mùn ye ?	B. I bɛ t’à sɔ̀rɔ gèsedala ye Maabɔ ye.
A. I bɛ t’à sɔ̀rɔ nùmu ̀ bɛ mùn kɛ ?	B. I bɛ t’à sɔ̀rɔ nùmu ̀ bɛ bolokoli kɛ.
A. I bɛ t’à sɔ̀rɔ dùgu bɛɛ bɛ mùn kɛ ?	B. I bɛ t’à sɔ̀rɔ dùgu bɛɛ bɛ sɛ̀nɛ ̀ kɛ.
A. I bɛ t’à sɔ̀rɔ cɛ̀w tɛ mùn kɛ ?	B. I bɛ t’à sɔ̀rɔ cew tɛ tobili ̀ kɛ.

Bàro mìsɛn : i bɛ t’à sɔ̀rɔ

Ɲɛjira : Fantà . . . tobili ̀	A. Fantà bɛ se tobili ̀ la wà ? B. I bɛ t’à sɔ̀rɔ à bɛ s’à la kà tɛ̀mɛn mɔ̀gɔ caman kàn.
Sekù . . . kɔra ̀ fɔ ̀	A. B.
Hawa . . . dɔ̀nkili ̀ da	A. B.
Màdu . . . dunun ̀ fɔ	A. B.
Amì . . . fìni ̀ kò	A. B.
I mùso . . . sugula sigi ̀	A. B.
Sòlo . . . kɔra ̀ fɔ	A. B.
Isa . . . ntòla ̀ tan	A. B.
Maabɔ . . . gèse ̀ da	A. B.
Sali . . . gala dòn	A. B.
Nùmu Bakàri . . . daba ̀ dila	A. B.

Ɲìninkali : i bɛ t’à sɔ̀rɔ

I ka "i bɛ t’à sɔ̀rɔ" bìla jaabi la ̀

Ɲɛjira : A. N bɛ taa Kayi sini.	B. I bɛ t’à sɔ̀rɔ fùntɛni bɛ yèn.
N bɛ taa New York jumadon.
N bɛ taa sineman ̀ na su fɛ̀.
N b’à fɛ̀ kà wɔlɔfɔkan ̀ kàlan.
N bɛ taa Shaka bara.
N b’à fɛ̀ kà gèse ̀ da.
N bɛ taa "Canada" kalo kura.
N b’à fɛ̀ kà dununfɔ ̀ dège.
N bɛ taa Ameriki saheliyanfan fɛ̀.
N b’à fɛ̀ kà dɔni dège.

LA GUERRE DES COTONS - 1ère partie
documentaire de Jean-Michel RODRIGO (2005)
À travers l’exemple du coton, ce documentaire, en analysant ses mécanismes de production comme de consommation décrypte les dessous de la mondialisation. Trois visions du monde s’y opposent, dans des espaces aussi différents que l’Afrique occidentale, les États-Unis et son concurrent direct, la Chine, et décrivent un vaste panorama des enjeux économiques, sociaux et stratégiques liés au coton, et plus largement au commerce des matières premières.

min … ni …

[ → notes ]

Sègin n kàn : min . . . ni

Minw bɛ kàsaw da n’òlu bɛ bɔ Masina.

Minw bɛ fìni cɛnyiw da n’òlu bɛ bɔ Futa.

Min bɛ tìlen ka baara ̀ kɛ n’à tɛ sɛ̀gɛn.

Min bɛ se kà san duuru kɛ n’à tɛ fara.

Bàro misɛn


A. E kan bɛ Fila jùmɛnw mà ?	B. Minw bɛ kàsaw da n’òlu bɛ bɔ Masina.
A. Male kan bɛ jùmɛnw mà ?	B. Minw bɛ fìni cɛnyiw da n’òlu bɛ bo Futa.
A. I bɛ baarakɛla ̀ jùmɛn fɛ̀ ?	B. Min bɛ tìlen ka baara kɛ n’à tɛ sɛ̀gɛn.
A. I bɛ bagi jùmɛn fɛ̀ ?	B. Min bɛ se kà san duuru kɛ n’à tɛ fara.

Bìla nɔ la : min X...ni Y

Min ka so ̀ man jàn, n’à tɔgɔ ̀ ko Adama.

, n’à bɛ baara ̀ kɛ làkɔli ̀ la.

, n’à bɛ n’à ɲɛnajɛ an fɛ̀.

Min bɛ to kà nà yàn,

Min bɛ mobili fìnman bòli,

, n’ù b’à wele kotigi ̀

, n’ à bɛ to kà tɛ̀mɛn yàn.

, n’à tɛ mɔ̀gɔw fò.

Min ka du ka bòn, n’à b’à fɛ̀ kà dɔ fèere.

, n’à tɔgɔ ko Amàdu.

, n’à tɛ mɔ̀gɔ bìla kà dòn à ka du kɔnɔ.

Kumadonɲɔgɔnna : min X ni Y


Ɲejira : A. À ka so man jàn. À tɔgɔ ko Adama.	B. Min ka so man jàn, n’à tɔgɔ ko Adama.
À ka du ka bòn. À togɔ ko Amàdu.
À ka du ka dɔgɔn. À b’à fɛ̀ kà dɔwɛrɛ sàn.
À bɛ kuma àrajo ̀ la. À bɛ fìli tùma bɛɛ.
À bɛ kɔ̀gɔ ̀ fèere À ka tàbali bɛ bùlonda la.
À tɛ dòn gabugu kɔnɔ. À bɛ dumuni duman fɛ̀.
À ka jàn. À tɛ miiri foyi la.
À bɛ tɛ̀mɛn yàn. À bɛ fòli kɛ.

**le Mali manque largement son objectif de production pour la saison 20152016**

sàma … la

[ → notes ]

Sègin n kàn : sàma . . . la

À ye n sàma dùlɔki ni kùlusi la.

À y’à den sàma mobili la.

À ma an sàma foyi la.

Ù ba y’ù sàma filenw ni gàlamaw la.

Ɲìninkali : sàma . . . la

A. À y’i sàma wà ?	B. Ɔ̀wɔ à ye n sàma dùlɔki ni kùlusi la.
A. À y’à den sàma wà ?	B. Ɔ̀wɔ, à y’à den sàma. À y’à sàma mobili la.
A. À y’aw sàma wà ?	B. Àyi. À m’an sàma foyi la.
A. Ù ba y’ù sàma wà ?	B. Ɔ̀wɔ, à y’ù sama. À y’ù sàma filenw ni gàlamaw la.

Sègin n kàn : sàma . . . mà

À ye ɲɔ̀bɔrɛ sàm’à fa mà.

À ba ye tasaw sàm’à mà.

Jɛ̀nɛ ye bagi sàm’à kɔ̀rɔmuso mà.

N ma fɛn sàma mɔ̀gɔ si mà.

Ɲìninkali : sàma . . . mà

A. À ye fɛn sàm’à fà mà wà ?	B. Ɔ̀wɔ. À ye ɲɔbore sàm’à mà.
A. À ba ye fɛn sàm’à mà wà ?	B. Ɔ̀wɔ. À ye tasaw sàm’à mà.
A. Jɛ̀nɛ ye fɛn sàm’à kɔ̀rɔmuso mà wà ?	B. Ɔ̀wɔ. À ye bagi sàm’à kɔ̀rɔmuso mà.
A. I ye fɛn sàma mɔ̀gɔ mà wà ?	B. N ma fɛn sàma mɔ̀gɔ si mà.

Bìla nɔ la : sàma

À ye Mamàdu sàma dùlɔki la.

Fantà

à mùso

à den

sìgiɲɔgɔnw

à dɔgɔkɛ

à kɔ̀rɔmuso

Umarù

N bɛ n balimamuso sàma fìni na.

mùsɔrɔ

sàbara

dùlɔki

kɔnɔn

tasaw

filen ni gàlamaw

Bìla nɔ la : sàma

À ye Mamàdu sàma dùlɔki la.

Fantà sàbara

à mùso kɔnɔn

à den kìtabu

sìgiɲɔgɔnw wari

à dɔgɔkɛ jele

à kɔ̀rɔmuso sanu

Umarù nɛ̀gɛso

N bɛ n balimamuso sàma fìni na.

balimakɛ mùsɔrɔ

kɔ̀rɔkɛ sabara

kɔ̀rɔmuso kɔnɔn

Bìla nɔ la : sàma

À ye fìni sàma Maramu mà.

sàbara Ɲele

nɔnɔ Maladɔ

mobili à fa

jɛgɛ à kɔ̀rɔkɛ

wari à den . . .

sɛ̀bɛn ne

mɔntɔrɔ à terikɛ . .

màlo Musà

ɲɔ̀ à denmuso

àrajɔ Mara

kìtabu à ba

Yɛ̀lɛmali : sàma


Ɲejira : A. À ye ɲɔ̀ sàm’à balimakɛ mà.	B. À y’à balimakɛ sàma ɲɔ̀ la.
À ye kùlusi ni dùlɔki sàm’à mà.
Amì ye dɛbɛn sàm’à cɛ mà.
À ba ye wusulan sàm’à mà.
Fantà ye filenw ni gàlamaw sàma ɲɛba mà.
N bɛ di ni bànji sàm’i mà.
À ye kìbaru duman sàm’an mà.
N balimamuso ye kàyew ni kiriyɔnw sàma n mà.
Làsigidenso bɛ kìbaruyasebɛnw sàm’an mà.
À ba ye mangòro ni lènburuba sàm’à mà.
Aw kàna foyi sàm’an mà.

Bàro misɛnw

Ali : À y’i sàma wà ?
Baba : Ɔ̀wɔ, à ye n sàma.
Ali : À y’i sàma mùn na ?
Baba : À ye n sàma wari la.
Fantà : I fà ye an sàma wà ?
Jɛ̀nɛ : Ɔ̀wɔ, à y’an sàma.
Fantà À y’an sàma mùn na ?
Jɛ̀nɛ : À y’an sàma mùsɔrɔw ni kàmisoliw la.
Musa : N’i bɛ nà i ka n sàma.
Bala : K’i sàma mùn na ?
Musa : Fɛn ô fɛn y’i diya.
Bala : Ò tɛ kuma ye. Fɛn dɔ fɔ.
Musa : N sàma tìganinkuru na.

Ɲelɛ : I den y’i sàma wà ?
Ɲɛba : Ɔ̀wɔ, à ye n sàma.
Ɲɛlɛ : À ye mùn sàma i mà ?
Ɲɛba : À ye bagi sàma n mà.
Ɲele : À y’à fà sàma wà ?
Ɲɛba : Ɔ̀wɔ, à y’à sàma wari la.
Ɲɛlɛ : Ò ɲɛ̀na kɔsɔbɛ. Den ɲùman dòn.

Abudu : Cɛ̀, n y’ à mɛn k’i fà nàna.
Adama : Ɔ̀wɔ, à nàna.
Abudu : À y’an sàma wà ?
Adama : À ye denmisɛnw dorɔn dè sàma.
À ma foyi sàma mɔ̀gɔkɔrɔba si mà.

**Machines d’égrenage du coton**

machines chinoises utilisées au Mali depuis 1977 par la COMATEX

V-tɔ

[ → notes ]

Sègin n kàn : V-tɔ

À taatɔ dɔlɛ mìnɛ, à bɛ gèsedala ̀ sàma wòro la.

À nàtɔ kàlan ̀ kɛ, à bɛ kàramɔgɔ sàma sira la.

À taatɔ baara kɛ, à bɛ Sàmake sàma sigarɛti la.

À sègintɔ baaroyɔrɔ, à bɛ baarakɛlaw ̀ sàma wòro ̀ la.

À bòlitɔ kà dòn, à ye den ɲɔ̀ni k’à bìn.

À nàtɔ sàga fàga, à bɛ mɔ̀gɔw sàma mùru la.

Bìla nɔ la : V-tɔ

À taatɔ dɔlɛ mìnɛ, à bɛ gèsedala ̀ sàma wòro ̀ la.

sira

À bɔtɔ so kɔnɔ, à ye filen tan ka nɔnɔ bòn.

À dòntɔ so kɔnɔ,

À wulitɔ k’i jɔ̀,

À sìgitɔ kurun kàn,

Bàronin : V-tɔ

Ɲɛjira : dɔlɛ mìnɛ, sàma wòro la.	A. N’à bɛ taa dɔlɛ mìnɛ, à bɛ mùn kɛ ? B. À taatɔ dɔlɛ mìnɛ, à bɛ gèsedala ̀ sàma wòro la.
baara ̀ kɛ, dùlɔki kura dòn.
sɛ̀nɛ ̀ kɛ, dùlɔki kolon dòn.
tobili kɛ, kò k’i jɛ.
nakɔ ̀ sɔn, taa ni denmisɛnw ye.
kàlan ̀ kɛ, kìtabu caman tà.
kiri ̀ tìgɛ, ɲɛɲini
ntòla ̀ tan, furakisɛw kùnun.
fòli kɛ, sàma wòro la.

Ɲìninkali : V-tɔ

Ɲɛjira : I ka "V-tɔ" dòn jaabi kɔnɔ.

A. Kà kùntigi ̀ to kuma na, aw bɛ mùn kɛ ?	B. Kùntigi kumatɔ, an tɛ mànkan kɛ.
Kà ji to wuli ̀ la, à bɛ mùn kɛ ?
Kà Musà to sɛ̀nɛ ̀ la, à bɛ mùn kɛ ?
Kà denmisɛnw to dumuni na, ù bɛ mùn kɛ ?
K’aw to kàlanna, aw bɛ mùn kɛ ?
Kà sanji to nàla, aw bɛ mùn kɛ ?
K’i to seli la, i bɛ mùn kɛ ?
K’à to nakɔ sɔ̀n na, à bɛ mùn kɛ ?
K’à to kuma la, à bɛ mùn kɛ ?

Yɛ̀lɛmali : V-tɔ

Ɲɛjira : Kà "tùn" dòn kumasen nìnw kɔnɔ.

A. À taatɔ dɔlɛ mìnɛ, à bɛ gèsedala ̀ sàma wòro ̀ la.	B. À tùn taatɔ dɔlɛ mìnɛ, mùso tùn b’à sàma wòro la.
À taatɔ baarayɔrɔ, à bɛ baaradenw sàma sira la.
Amàdù taatɔ Kayi, à bɛ mɔ̀gɔw sàma nàmasa la.
À taatɔ fòro ̀ la, à bɛ taa ni ji ye à bolo.
À taatɔ kiritigɛso kɔnɔ, à bɛ kàlan ̀ kɛ.
Baba taatɔ Kayi, à ye fɛn caman sàn sira la.
À taatɔ nakɔ ̀ la , à ni denmisɛnw bɛ taa.

|Fantà taatɔ fìni ̀ kò, à bɛ taa n’i ka fìniw ye. | |
|Umù taatɔ sugu la, à bɛ jɔ̀ k’an fò. | |
|An taatɔ Segu, an bɛ dònsoya kɛ sira la. | |
|Aw taatɔ wɛ̀rɛ la, aw ka taa ni mìsiden ̀ ye. | |
|À taatɔ jɛgɛ mìnɛ, à bɛ dolen sàn. | |

**Il y a 47 ans, jour pour jour, le Combinat malien du textile (Comatex) était inauguré par le président Modibo Keita à Ségou**

usine textile comatex de segou vue technique 12/02/72
http://maliactu.net/mali-mali-dhier-inauguration-du-comatex/

waajibiyalen ... kàn

[ → notes ]

Sègin n kàn : waajibiyalen ... kàn

Seli ̀ waajibiyalen dòn sìlamɛ bɛɛ kàn.

Gèsedala ̀ ka wòro waajibiyalen dòn mùsow kàn.

Furu waajibiyalen dòn mɔ̀gɔ bɛɛ kàn Màli la.

Làkɔlidon waajibiyalen dòn denmisɛn bɛɛ kàn.

Ɲìninkali : waajibiyalen . . . kàn

A. Seli waajibiyalen dòn wa.?	B. Ɔ̀wɔ. Seli waajibiyalen dòn sìlamɛ bɛɛ kàn.
A. Gèsedala ka wòro waajibiyalen dòn wà ?	B. Ɔ̀wɔ. Gèsedala ka wòro waajibiyalen dòn mùsow kàn.
A. Furu waajibiyalen dòn wà ?	B. Ɔ̀wɔ. Furu waajibiyalen dòn mɔ̀gɔ bɛɛ kan Màli la.
A. Làkɔlidon waajibiyalen dòn wà ?	B. Ɔ̀wɔ. Làkɔlidon waajibiyalen dòn denmisɛn bɛɛ kàn.

Sègin n kàn : waajibiyalen X kàn

Wòrosɔngɔ waajibiyalen dòn gèsedala ̀ kàn.

Wòrosɔngɔ waajibiyalen tɛ baarakɛla ̀ kàn.

Nasɔngɔ waajibiyalen dòn dutigi kàn.

Mùso fɛrɛbɔwari waajibiyalen dòn à cɛ̀ kàn.

Selifini waajibiyalen dòn màminɛcɛ bɛɛ kàn.

Seli ̀ waajibiyalen dòn sìlamɛ bɛɛ kàn.

Saraka ̀ waajibiyalen dòn mɔ̀gɔ bɛɛ kàn.

Naafigiya waajibiyalen tɛ mɔ̀gɔ si kàn.

Tilennenya waajibiyalen dòn teri bɛɛ kàn.

Bìla nɔ la : waajibiyalen X kàn

Wòrosɔngɔ waajibiyalen dòn mùsow kàn.

Nasɔngɔ ̀ dutigi

Balo dutigi

Ɲɔ ̀ ni màlo

Denw fɛrɛbɔ ̀

mùsow

ù masaw

Furunafolo cɛ̀ bɛɛ

Kɔɲɔbon mɔ̀gɔ bɛɛ

Selisaga buran bɛɛ

**La Chine, déjà, avait aidé au démarrage de la COMATEX**

Enveloppe "premier jour" - www.delcampe.net

X kɛ Y ye

[ → notes ]

Sègin n kàn : X kɛ Y ye

À ye mobili sàn à buranmuso ye.

Burama tɛ dònsonkɔni fɔ bɛɛ ye.

Madani ye fɛn bɛɛ kɛ à den ye.

Ù tɛ nkàlon tìgɛ ù masaw ye.

Aw ye ko bɛɛ kɛ aw somɔgɔw ye.

N tùn bɛ kà lɛtɛrɛ sɛ̀bɛn n ba ye.

I kɛra mɔ̀gɔ ô mɔ̀gɔ ye, à bɛ tìɲɛ ̀ fɔ i ye.

Adama ye n ka kìtabu fèere n ye.

Bìla nɔ la : X kɛ Y ye

Adama ye mobili sàn à buranmuso ye.

Bàla burankɛ

À den a kɔ̀rɔkɛ

Amàdù ye sɛ̀nɛ ̀ kɛ à buranw ye

dòni tà

bɔ̀gɔ baara

ko bɛɛ kɛ

Minàta tɛ nkàlon tìgɛ à masaw ye.

dòni tà

bɔ̀gɔ baara

ko bɛɛ kɛ

Minàta tɛ nkàlon tìgɛ à masaw ye.

à cɛ̀

teriw

mɔ̀gɔ si

Bàro mìsɛn : X kɛ Y ye

A. Baba bɛ taa min ?

B. À bɛ taa fura bɔ.

A. Ne tùn kɔnɔ à kɛnɛyara.

B. À tɛ taala fura bɔ à yɛ̀rɛ̂ ye. À bɛ taa à bɔ à kɔ̀rɔkɛ mùso dè ye.

A. N y’à mɛn ko Bàla ye mobili kura sàn.

B. E ! à ye dɔwɔrɛ san ? N’Ko dɔ tùn b’à bolo ?

A. Ò ye tìɲɛ ye. À ye min san kunun, à y’ò san à balimamuso dè ye.

A. À bɛ sɔ̀n kà nìn fɔ ?

B. N’à fà y’à ɲìninka à b’à fɔ.

A. Mùn na ? Nìn tɛ kuma fɔta ye.

B. Àlê b’à fɔ k’à d’à kàn à fà ko à ma k’à kàna nkàlon tìgɛ à ye tùma si.

A. Ò ka ɲì.

A. I bɛ fìni ìn fɛ̀ wà ?

B. N b’à fɛ̀ kɔsɔbɛ.

A. À sàn ò tùma ka taa n’à ye i bolo ?

B. À tɛ kun n na k’à sàn.

A. Mùn na ?

B. Mùso fìla bɛ n fɛ̀. N tɛ se k’à sàn kelen ye, kà kelen dɔ to.

A. N y’à mɛn ko Adama ye àrajo di Fantà mà. Tìɲɛ dòn wà ?

B. Ne m’à mɛn. Nk’à tɛ bàla n na.

A. Mùnna à tɛ bàla i la ?

B. Adama bɛ ko bɛɛ kɛ mùso ̀ ye.

Bàro

Fantà taara Yɔrɔ ka gèsedayɔrɔ ̀ la. À b’à fɛ̀ Yɔrɔ k’à ka gèse tɔ̀ bɛɛ bìla k’ale ta da.


Fantà :	Yɔrɔ, i ni tìle.
Yɔrɔ :	Nba, Fantà, i ni tìle. Sotigi ka kɛnɛ wà ?
Fantà :	Tɔɔrɔ si t’à la, à bɛ Ala tanu.
Yɔrɔ :	Ò ka ɲì. Mùn y’i se n ma nìn tìlegan ìn na ? À ka kan kà kɛ koba ye bawò i dèlila k’à fɔ n ye k’i tɛ bɔ tìle kɔrɔ, ko tìle ̀ b’i yèelen.
Fantà :	Mànamanakan ̀ dabìla, Yɔrɔ. N nàna sɛ̀bɛkoba dè la i bara. N b’à fɛ̀ i ka gèse dɔ da n ye joona joona.
Yɔrɔ :	N ma dèli kà n bàn foyi mà i bolo, Fantà. N tɛ se kà gèse wɛrɛ si da sisan. Mɔ̀gɔ wɛrɛw ka baara tɛ n bolo, n tɛ se k’òlu ta bìla k’e ta kɛ.
Fantà :	Kana n màgo sà, Yɔrɔ. Ci dè bɔra dùgu wɛrɛ la kà nà ko n ka birifiniw ci. Sɔ̀ngɔ min dira n mà, ò ye sɔ̀ngɔ dumanba ye. N b’i deli i ka n dɛ̀mɛ.
Yɔrɔ :	N tɛ se, Fantà. N ye layidu tà mɔ̀gɔ wɛrɛw ye. Ni n ma tila òlu ka baara la, n tɛ se kà foyi wɛrɛ kɛ.
Fantà :	Yɔrɔ, ne n’e mɛɛnna baara la ɲɔgɔn fɛ̀. E man kan kà nìn kɛ ne la. E man kan kà ne màgo sà.
Yɔrɔ	N’i ko n ka fɛn ô fɛn k’i ye, n b’à k’i ye. N’i ko n ka gèse ̀ da i ye fu, n b’à kɛ. Nka n’tɛ se kà mɔ̀gɔ wɛrɛw ka baara bìla i ye.
Fantà :	I bànnen dòn dɔrɔn.
Yɔrɔ.	N ma bàn,layidu dè ka gɛ̀lɛn. N tɛ bàn foyi wɛrɛ ma i bolo. N tɛ se kà nìn kelen nìn k’i ye.
Fantà :	I bɛ se kà mɔ̀gɔ wɛrɛ kofɔ n ye min bɛ se kà baara ìn kɛ n ye joona wà ?
Yɔrɔ :	N terikɛ Sànba bɛ se.

Notes

1. X bɛ t’à sɔ̀rɔ

[ → exercices ]
Voilà une expression courante, littéralement "tu le trouveras". Elle est suivie d’une phrase normale, sans autre conjonction (on aurait pu attendre par exemple : ko). On s’en sert comme l’équivalent de "et tu verras que", "et tu te rendras compte que… :

N’à ye Fantà furu, à bɛ t’à sɔ̀rɔ à kùn ka gɛ̀lɛn.

S’il épouse Fanta, il verra comme elle est têtue.

2. min X, ni Y

[ → exercices ]

Une subordonnée en apposition, introduite par ni Y "si Y/quand Y", sert souvent à ajouter une précision ou une information complémentaire, par exemple pour lever une ambiguïté :

Mùso min nàna, n’ò ye Baba dɔgɔmuso ye,...	La femme qui est venue, la soeur de Baba,…
À taara morikɛ ̀ min fɛ̀ yèn, n’ò dàlilu ̀ ka bòn kojugu.	Le marabout qu’il est allé trouver, celui dont les pouvoirs sont si grands...

Dans ces exemples, elle est combinée avec une relative (avec min), mais ce n’est pas toujours le cas, et la subordonnée en apposition est le plus souvent une équative :

numun ka kuntigi, n’o ye numun Bakari ye, a ye numundenw weele	Le chef des forgerons, qui est le forgeron Bakari, appela les autres
an ka tɔnba ɲɛmɔgɔ, n’o ye zenerali Musa Tarawele ye,...	le président de notre grande association, qui n’est autre que le général Moussa Traoré

3. sàma

[ → exercices ]
Comme un certain nombre d’autres verbes, sàma s’emploie de deux façons différentes, la place des compléments d’objet direct et indirect étant inversée :

Baba ye Fantà sàma wari la.	Baba a fait cadeau à Fanta d’une somme d’argent
Baba ye wari sàma Fantà mà.	Baba a fait cadeau d’argent à Fanta

Le sens de sàma est plus restreint que juste "faire un cadeau". Il s’agit seulement du cadeau lorsque l’on revient de voyage.

4. X V-tɔ, Y

[ → exercices ]
On retrouve ici le schéma du participe progressif tel qu’on l’a vu dans le cours n°7

Plus de précisions et d’exemples à ce sujet dans le dictionnaire Bamadaba à -tɔ

5. Waajibiya

[ → exercices ]
"obliger, contraindre" : On a déjà vu l’emploi de ce verbe modal dans le cours n°8 sur la circoncision/l’excision (bolokoli). On travaille ici sur son emploi comme participe résultatif (avec le suffixe -len) : le sens est alors "être exigé de", et le complément d’objet indirect (la personne contrainte) est utilisé avec la postposition kàn "sur".

Wòrosɔngɔ ̀ waajibiyalen dòn mùso kàn.	Le paiement en noix de cola est exigé des femmes.
Ù ye seli waajibiya jɔ̀nw kàn.	Ils ont exigé une prière des esclaves.

à comparer avec l’emploi de waajibiya suivi d’une clause à l’infinitif, où la personne contrainte devient le complément d’objet direct, cette fois, de waajibiya... et le sujet de l’infinitive qui suit :

Ù ye jɔ̀nw waajibiya kà seli.

Ils ont obligé les esclaves à prier.

6. Le ye bénéfactif

[ → exercices ]
Dans la plupart des langues mandingues (B-M-D), et même lorsque ye est remplacé dans des constructions similaires avec ti ou di, cette postposition a un sens clairement "bénéfactif", c’est -à dire "en faveur de", et peut être traduite par "pour". Attention cependant, car en français (et en anglais avec "for"), "pour" peut aussi signifier "sous les ordres de", sens que ye n’a pas et pour lequel le bambara utilisera plutôt la postposition fɛ̀ :

N bɛ baara ̀ kɛ Fantà fɛ̀.	Je travaille pour Fanta (sous sa direction)
N bɛ baara ̀ kɛ n denw ye.	Je travaille pour mes enfants (pour leur bien)

Daɲɛsɛbɛn

Comme d’habitude : chaque mot est lié au dictionnaire, cliquez dessus pour découvrir, et suivez les liens... Bonne visite ! Cours → Dictionnaire "bamadaba" → Corpus bambara de référence
bàn	v.r.	refuser (verbe réfléchi)
da	v.	créer
dɔlɛ	n.	bobine
fàle	n.	fil de trame
fɛɛrɛbɔ	n.	l’habillement
fu	n.	rien, zéro
fula	n.	peul
Futa	n.prop	Région du Mali frontalière de la Guinée, du Sénégal
gaari	n.	fil (à coudre)
gale	adj.	premier (Ségou, cf. fɔlɔ)
gese	n.	fil de chaîne
gesedala	n.	tisserand
hali bi	exp.	jusqu’ici, aujourd’hui même, même maintenant
kàsa	n.	couverture de laine
kasa	n.	odeur
kiri	n.	jugement
kiritigɛso	n.	palais de justice
kɔɔri	n.	coton
kɔɔriforonin	n.	petit champ de coton (petite exploitation)
layidu	n.	promesse, engagement
maabɔ	n.	griot toucouleur (caste chez les Peuls)
màgo	n.	besoin
-> màgo sa	expr.	nuire aux intérêts de...
màminɛ	n.	fiancailles
mànamana	n.	banalité, sottise
Masina	n.prop	Région du Mali
naafigiya	n.	indiscrétion, rapportage
nasɔngɔ	n.	le prix des condiments pour faire la sauce
ɲɛnini	n.	résolution
parata	v.	filer (le coton)
Sɛ̀nɛgali	n.prop	Sénégal
sùman	n.	récolte, nourriture
tìlennenya	n.	droiture
waajibi	n.	obligation, contrainte
	v.	obliger, contraindre, exiger
wɛ̀rɛ	n.	enclos, parc à bétail
wùlusi	v.	égrener (le coton)
yèelen	v.	fondre, faire fondre, dissoudre

INDEX DES COURS DISPONIBLES

akbk1 - akbk2

MALI PENSE

akbk2-cours 15

Gèsedala ni gèse

Nsàna

KÀLAN 15 - NÌN KÀLAN ÌN KƆNƆ

Gèsedala ni gèse

Ɲìninkali

I bɛ taa à sɔ̀rɔ

Sègin n kàn : i bɛ t’à sɔ̀rɔ

Bàro misɛn

Bàro mìsɛn : i bɛ t’à sɔ̀rɔ

Ɲìninkali : i bɛ t’à sɔ̀rɔ

min … ni …

Sègin n kàn : min . . . ni

Bàro misɛn

Bìla nɔ la : min X...ni Y

Kumadonɲɔgɔnna : min X ni Y

sàma … la

Sègin n kàn : sàma . . . la

Ɲìninkali : sàma . . . la

Sègin n kàn : sàma . . . mà

Ɲìninkali : sàma . . . mà

Bìla nɔ la : sàma

Bìla nɔ la : sàma

Bìla nɔ la : sàma

Yɛ̀lɛmali : sàma

Bàro misɛnw

V-tɔ

Sègin n kàn : V-tɔ

Bìla nɔ la : V-tɔ

Bàronin : V-tɔ

Ɲìninkali : V-tɔ

Yɛ̀lɛmali : V-tɔ

waajibiyalen ... kàn

Sègin n kàn : waajibiyalen ... kàn

Ɲìninkali : waajibiyalen . . . kàn

Sègin n kàn : waajibiyalen X kàn

Bìla nɔ la : waajibiyalen X kàn

X kɛ Y ye

Sègin n kàn : X kɛ Y ye

Bìla nɔ la : X kɛ Y ye

Bàro mìsɛn : X kɛ Y ye

Bàro

Notes

1. X bɛ t’à sɔ̀rɔ

2. min X, ni Y

3. sàma

4. X V-tɔ, Y

5. Waajibiya

6. Le ye bénéfactif

Daɲɛsɛbɛn

INDEX DES COURS DISPONIBLES

Portfolio

Documents joints

Un message, un commentaire ?

Bamanankan kanubagaw yɔrɔ / Le coin des amoureux du bambara

Apprenons le bambara / An ka bamanankan kalan

Apprenons le bambara 2 / An ka bamanankan kalan 2

Dɔnkili / Chansons

Livres / Gafe

Nsiirinw / Contes

Radio / Arajo

No Manani

Se décider

Partir

Guides

À ne pas rater

Coups de pouce

Coups de coeur

Contacts

Dans les medias

Dans la même rubrique